- 393 -

1402. April 14. Liegnitz.

Notarielle Beglaubigung eines zwischen den Vicarien des liegnitzer Collegiatstiftes und den Mansionarien der demselben zugehörigen Marien-Capelle hinsichtlich ihrer Functionen und Einkünfte getroffenen Abkommens.

In nomine domini amen. Sub anno nativitatis eiusdem millesimo quadringentesimo secundo, indiccione decima, XIIII die mensis Aprilis, hora primarum vel quasi in sacristega collegiate ecclesie sancti sepulchri dominici Legniczensis Wratislaviensis diocesis pontificatus sanctissimi in Christo patris et domini nostri (in)frascripti et testium subscriptorum ad hoc vocatorum specialiter et rogatorum presencia personaliter constituti discreti viri domini Johannes Lubensis, Georgius Petir, Johannes Hanemanni, Georgius Cloptaw, Maternus Romani, Benedictus Leymhicz, Petrus Coci, Mathias Reysewicz et Paulus Przedwogii vicarii ecclesie collegiate Legnicensis jam dicte parte ex una, Maternus Kalis, Clemens Bedirmann et Georg Ekhardi mansionarii capelle beate Marie virginis dicte collegiate ecclesie annexe Legnicensis parte ex altera suis et suorum col- legarum et successorum nominibus diversis inter se diligentibus prehabitis tractatibus ac ipsorum maturis et masticiatis deliberacionibus et sanis precedentibus consiliis intuituque serenissimi principis et domini domini Ruperti ducis Zlezie et domini Legnicensis domini ipsorum semper graciosi unanimi et concordi voce quasi uno ore publice, expresse et palam consenserunt et ....... consenciunt et admi(tt)unt, in novam disposicionem, execucionem et immitacionem cure seu curati beneficii in ecclesia collegiata Legnicensi predicta per prefatum illustrem principem et dominum Rupertum ducem faciendas et ipsis mansionariis predictis in orc. . andi(s) et in vis . . . and(is), volentes dicti domini vicarii mansionarium, cui cura animarum in dicta ecclesia collegiata Legnicensi committitur, nomine dictorum mansionariorum esse participem omnium obvencionum, oblacionum, refeccionum, distribucionum, testamentorum, aniversariorum ... communi racione exequiarum defunctorum (cum u)suali omnium et singulorum (e)molumentorum, que racione interessent(ibus) divinorum officiorum aliis vicariis divinis officiis personaliter interessentibus dantur et distribuuntur, ita tamen, quod dictus mansionarius, cui cura committetur, ipsis horis et divinis officiis, quarum racione refecciones dantur et distribuciones personaliter usque ad finem debeat interesse, nisi infirmitate vel alienacione cure vel administracione sacramentorum legitime fuerit impeditus; volunt autem dicti domini vicarii, quod votive misse seu peculiares, quas vicarii ecclesie collegiate antedicte Legnicensis seu illi, qui juxta antiquam consuetudinem ipsius ecclesie collegiate jamdicte ordinem divinorum officiorum servant, legunt seu celebrant seu legent vel celebrabunt infuturum ab earundem leccione et celebracione ac obvencionum, refeccionum et distribucionum, que racione dictarum missarum dantur et distribuuntur, penitus sint exclusi, renunciantes nichilominus dicti domini vicarii et mansionarii in suorum et suorum collegarum nominibus omnibus literis, privilegiis, munimentis, landis, pronunciacionibus, arbitriis ipsum curatum ac ipsos vicarios prefatos olim concernentibus ac concordiis et quibuscunque aliis composicionibus inter ipsos dominos vicarios ex una et dictum curatum racione dicte sue cure parte ex altera factis, promittentes dicti domini vicarii et mansionarii hincinde michi notario publico disposicionem in omnibus suis clausulis et punctis firmiter et inviolabiliter perpetuis temporibus observari. Acta sunt hec anno, indiccione, die, mense, hora, loco et pontificatu, quibus supra, presentibus honorabilibus et discretis viris dominis magistro Theophilo de Opol canonico ecclesie collegiate Legnicensis supradicte, Opeczkone Bobrow altariste ecclesie parochialis in Teyncz Wratislaviensis diocesis predicte, Nicolao Welczil sacristano et subdyacono, Nicolao Berger servitor (sic) ecclesie, Theodrico Rechinberg canonico et Petro Powewicz olim mansionario ecclesie collegiate Legnicensis sepedicte testibus ad premissa vocatis specialiter et rogatis.
Signum notarii. (Inscriptio.) pax huic dominii.
Et ego quondam Henrici de Swidnicz penes Gruneberg clericus Wratislaviensis diocesis imperiali auctoritate publicus notarius predictis consensu dacioni renunciacioni stipulacioni omnibusque aliis et singulis premissis dum sic, ut premittitur, fierent et agerentur una cum prenominatis testibus presens interfui eaque per omnia sic fieri vidi et audivi et in hanc formam publici redegi instr(umenti) signo et nomine meis solitis et consuetis consignavi in fidem et evidens testimonium omnium et singulorum premissorum rogatus specialiter et requisitus.

Orig. Prov. Arch. Urkk. des liegn. Collegiatst.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866